Samfélagsmiðlastjarnan og fegurðardrottningin Tanja Ýr afhjúpar nokkuð á Instagram sem hún er búin að vera að ýja að í nokkrar vikur á sínum miðlum.
„Hvar á ég að byrja?“ hefst færsla Tönju á Instagram við mynd af henni sjálfri og þremur fyrirsætum í sundfötum.
„Einn af mínum allra stærstu draumum, markmiðum og samstörfum er loksins að líta dagsins ljós! Það er ólýsanleg tilfinning að sjá þessar drottningar í sundfötunum sem við Wagtal erum búin að vinna svona lengi að. Þetta er eitt stærsta og skemmtilegasta verkefni sem ég hef tekið þátt í og að búa til sundfatalínu hefur verið draumur hjá mér í mörg ár,“ skrifar Tanja, en á myndinni má sjá hluta af sundafatalínu áhrifavaldsins.
Tanja er sýnilega spennt og þakklát fyrir þetta tækifæri.
„Takk fyrir ólýsanlegan stuðning öllsömul, öll þessi frábæru viðbrögð og takk allir sama hafa komið að verkefninu með okkur. Trúi ekki ennþá að ég sé að fara gefa út mína eigin línu. Ég get ekki beðið eftir því að sýna ykkur meira frá á næstu dögum.“
