Tískudrottningin Ása Ninna Pétursdóttir hefur sett íbúð sína við Sólvallagötu 74 í Reykjavík á sölu.
Um er að ræða rétt rúmlega hundrað fermetra eign sem Ása er búin að gera upp frá A til Ö, en framkvæmdirnar hafa verið vel skrásettar á bloggsíðunni Trendnet.
Íbúðin er búin tveimur svefnherbergjum og tveimur stofum, en ásett verð er tæplega fimmtíu milljónir króna.
Ása er af mörgum talin ein smartasta kona Íslands, en hún er fyrrverandi eigandi GK Reykjavík og fatahönnuður.
