„Það er gott að vera heima,“ sagði skoski stórleikarinn Gerard Butler í myndbandi sem hann póstaði á Facebook-síðu sína 27. desember.

Hann var þó ekki lengi heima hjá sér, því einum eða tveimur dögum seinna var kappinn kominn til Íslands.

Á laugardaginn skellti hann sér í Laugarásbíó og sá myndina How To Train Your Dragon 3, ásamt leikstjóranum, handritshöfundinum og framleiðandanum Dean Deblois, leikaranum Ólafi Darra Ólafssyni og Jónsa úr Sigur Rós, en allir koma þeir að myndinni, sem frumsýnd verður hér á landi 1. mars.

https://www.instagram.com/p/Br-aI25ArU1/

https://www.instagram.com/p/Br-Zon2AV6F/

Á sunnudaginn naut hann lífsins í Krauma í Borgarfirði.

https://www.instagram.com/p/BsBCcb8g5Nb/

Og á gamlársdag sást til hans í miðbæ Reykjavíkur.

https://www.instagram.com/p/BsDgWL8gOf_/

https://www.instagram.com/p/BsEktlEgeKe/

Butler er þekktastur fyrir hlutverk sitt sem Leonidas, konungur Spartverja í kvikmyndinni 300 (2006), en hefur leikið í fjölda annarra mynda á yfir 20 ára ferli sínum. Á árinu 2018 komu út myndirnar Den of Thieves og Hunter Killer, og er framhaldsmynd í farvatninu eftir þá fyrrnefndu.