Í viðtalinu, sem tekið var í febrúar s.l. segist hún hafa metið það sem svo að réttast hefði verið fyrir hana að halda sig úr sviðsljósinu eftir að ásakanirnar féllu á hendur Weinsteins í október.
Þetta segist hún hafa gert í virðingarskyni við fórnarlömb fyrrum kvikmyndarisans.
Weinstein er sakaður um að hafa brotið kynferðislega gegn yfir áttatíu konum og stendur nú yfir rannsókn hjá lögreglu í Lundúnum, New York og Los Angeles vegna málsins.
„Ég er ekki ein þeirra sem hefur endalaust áhyggjur af eiginmanninum sínum og þarf að vita hvar hann er öllum stundum,“ segir hún og bætir við að hún hafi lengi staðið í þeirri trú um að þau ættu í hamingjusömu og eðlilegu hjónabandi. Saman eiga þau tvö börn, soninn Dashiell (5 ára) og dótturina Indiu (7 ára).
„Ég var greinilega mjög vitlaus,“ segir hún í viðtalinu: „Nú koma reglulega upp tímabil hjá mér þar sem ég verð reið, ringluð og veit ekki hverju ég á að trúa. Svo koma tímabil þar sem ég græt fyrir hönd barna minna. Hvernig verður líf þeirra í framtíðinni? Hvað mun fólk segja við þau?“
Georgina býr með börnunum þeirra Weinsteins í New York en framleiðandinn dvelur nú á meðferðarstöðinni Gentle Path – The Meadows í Arizona vegna kynlífsfíknar sinnar og gaman er að geta þess að Kevin Spacey er einmitt í meðferð á sama stað.
