Móðirin Kate var eins og vanalega óaðfinnanleg í útliti þegar hún steig fram á svalirnar með konungborinn soninn og auðvitað eru margir sem velta því fyrir sér hvernig hún fari eiginlega að þessu.
Hvort sem um kóngafólk eða ekki sé að ræða er auðvitað vandasamt að sinna foreldrahlutverkinu þegar um þrjú börn yngri en fimm ára er að ræða, en öfugt við það sem margir myndu álykta, er það enginn her af Mary Poppins dömum sem sjá um blessuð börnin, – heldur aðeins ein kona.
Sú heitir Maria Borrallo og hefur verið með fjölskyldunni frá því árið 2014, en hún byrjaði að annast frumburðinn Georg þegar hann var aðeins átta mánaða gamall.
Borallo útskrifaðist frá hinum virta Norland háskóla. Kunnugir segja að hún sé algjörlega fullkomin í þetta hlutverk og starfi sínu ákaflega vel vaxin.
Hún er ekki aðeins hlý og góð barnfóstra heldur einnig vel þjálfuð í bardagalistum og hvernig á að bregðast við hryðjuverkaárásum. Þá er hún einnig sérhæfð í því hvernig best er að forða sér og sínu fólki frá ágangi paparazzi ljósmyndara sem sitja jú um kóngafólkið hvert sem það fer.
Maria Borallo býr í eigin íbúð í Kensington höll og sést oftar en ekki með krökkunum við opinberar athafnir. Reikna má með að hún verði með fjölskyldunni um ókomin ár en staðgengil fyrir þessa gæða barnfóstru hlýtur að vera flókið að finna.
