Borg brugghús svipti hulunni af jólabjórnum Skyld´ða vera stólahljóð á barnum Klaustur í gærkvöldi. Klausturtríóið frumflutti einnig nýtt jólalag þar, en lagið er nefnt í höfuðið á bjórnum, en textinn er sunginn við lag Sniglabandsins, Jólahjól.

Í Klausturstríóinu eru Böðvar Reynisson (Böddi), Hjörtur Stephensen og Valdimar Olgeirsson og spila þeir notalega jazz standarda alla föstudaga á Klaustur Bar kl. 18-20.

Vísar texti lagsins til ummæla Sigmundar Davíðs Gunnlaugssonar, um að meint selahljóð þingmannanna sex sem höfð voru til að níða Freyju Haraldsdóttir hefðu verið hljóð í stóli. Þegar upptökurnar rötuðu á fréttamiðla breytti Sigmundur frásögn sinni og sagði að um reiðhjólabremsu hefði verið að ræða.

Böddi var ekki lengi að útbúa textann því kall frá framkvæmdastjóra Klaustur kom kvöldinu áður. „Bjórinn heitir skemmtilegu nafni og augljós tilvísun í Sniglabandstextann svo eftirleikurinn varð nokkuð auðveldur.“

Stólahljóð:

Undir stólahljóða stól var tappi
Undir stólahljóða stól
átti að vera hljóðdempandi tappi
en svo var ekki
Og Gunn‘og Simmi föttuð‘ekki neitt

Skyld‘ða vera stólahljóð?
Skyld‘etta vera stólahljóð?
Skyld‘ða vera stólahljóð?
Skyld‘etta vera stólahljóð?

Inn‘á klaustri heyrðist væl, í sel 
eða reiðhjóla bremsu skæl, ég heyrði það vel
Þau litu útum gráan gluggan
og enginn selur og ekkert hjól að sjá?
hvað var þetta þá?

Skyld‘ða vera stólahljóð?
Skyld‘etta vera stólahljóð?
Skyld‘ða vera stólahljóð?
Skyld‘etta vera stólahljóð?

Gunn‘og Simmi segja og vilj‘ekki þegja

Skyldi það vera stólahljóð?
Skyldetta vera stólahljóð?
Eða kannski hjólabremsuhljóð?
Skyld‘etta vera stólahljóð?

Undir stólahljóða stól var tappi
Undir stólahljóða stól
átti að vera hljóðdempandi tappi
en svo var ekki
Og Gunn‘og Simmi föttuð‘ekki baun
í þessu væli

(2x viðlag)

Texti: Böðvar Reynisson við lag Skúla Gautasonar