Það verður öllu tjaldað til um áramótin hjá vinsælasta tónlistarmanni og plötusnúði þjóðarinnar, Páli Óskari.

Í samtali við DV segist Páll Óskar lofa partý ársins undir heitinu Alvöru Pallaball þar sem hann mun koma til með að taka öll sín bestu lög ásamt dönsurum og draumaprinsum.

„Gerið ráð fyrir klassískum lögum eins og Stanslaust Stuð, La Dolce Vita, Allt fyrir ástina, International, Betra Líf, TF-Stuð, Líttu upp í ljós, Ég er eins og ég er, Þú komst við hjartað í mér, Bundinn fastur, Jafnvel þó við þekkjumst ekki neitt, Söngur um lífið, Minn hinsti dans, Ást sem endist, Vinnum þetta fyrirfram, Ljúfa líf, Það geta ekki allir verið gordjöss.

Ég ætla einfaldlega að láta fólk bilast á dansgólfinu.“

Enn eru til nokkrir miðar og getur fólk nálgast þá hér.