Vinirnir Siggi Gunnars, þáttastjórnandi á K100, og Hafdís Björg, einkaþjálfari og fitnessdrottning,  standa fyrir partý-spinning í World Class Laugum miðvikudagskvöldið 12. desember kl 20.

Tíminn er haldinn til styrktar Kristínu Sif og tveimur börnum hennar, en maður Kristínar Sifjar, Brynjar Berg Guðmundsson, lést fyrir mánuði síðan fyrir eigin hendi.

Brynjar lést langt fyrir aldur fram:„Hann vildi alltaf gera allt fyrir alla til að hjálpa og gleðja“ – Skilur eftir sig konu og tvö börn

Siggi Gunnars mun kenna tímann, en hann kennir vinsælustu spinning tíma landsins í Laugum í hverri viku. Það er því ljóst að hér er í vændum einn skemmtilegasti spinningtími ársins!

Skráning í tímann er í tímatöflu á www.worldclass.is

Komum saman, spinnum og styðjum við bakið á Stínu og börnunum í aðdraganda jóla. Í salnum verður tekið við frjálsum framlögum.

Þeir sem vilja leggja sitt af mörkum, en komast ekki í tímann, geta lagt inn á styrktarreikning: 326-26-003131, kennitala 021283-3399.