Þann 29. september, á 45 ára afmælisdegi sínum, gaf söngvarinn og lagasmiðurinn Hjörvar Hjörleifsson út þriðju plötu sína, 52 Fjöll. Lögin á plötunni eru melódískt popprokk þar sem Hjörvar vinnur með hljóðheim níunda áratugarins undir áhrifum frá til dæmis Gary Numan, Ultravox og Depeche Mode.
Hjörvar byrjaði á unglingsárum að semja tónlist, meðal annars með hljómsveitunum Guði Gleymdir, LOS, Gums og Monotone. Árið 2004 gaf Hjörvar út plötuna Paint Peace undir nafninu Stranger og árið 2008 kom út platan A Copy Of Me.
Nýja platan er unnin í samstarfi við einvala lið hljóðfæraleikara, þá Guðni Finnsson (bassi), Arnar Þór Gíslason (trommur), Birkir Rafn Gíslason (gítar), Þorbjörn Sigurðsson (gítar/hljómborð) og Friðborgu Jónsdóttur (bakraddir) en upptökustjórn og hljóðblöndun annaðist Haffi Tempó.
Undanfarin ár hefur Hjörvar átt í samstarfi við brasilíska umhverfislistamanninn Thiago Cóstackz og hefur lag þeirra, Final Sacrifice, verið mikið spilað á YouTube.
