Á „fyrir“ myndinni má sjá Miu sem nokkuð búsældarlega unglingsstelpu en á „eftir“ myndinni er Mia eins og hún lítur út í dag.
Við myndina skrifar hún að lífið snúist um jafnvægi og að fyrir henni snúist þetta fyrst og fremst um að ná jafnvægi milli ástríðu sinnar á mat og heilsu sinnar.
„Fólk er alltaf að spyrja mig hvernig ég fari að því að borða svona mikið en vera samt grönn,“ skrifar Mia Khalifa við myndina.
„Þetta hefur ekki alltaf verið svona og þetta krefst brjálaðrar vinnu. Málið snýst ekki um góð gen eða að hafa hraða brennslu af því maður er ungur. Þetta gengur út á að fara fimm sinnum í viku í ræktina svo að ég geti farið í frí annan hvern mánuð, borðað allt sem mig langar í án þess að fá samviskubit og drekkt próteininu mínu í rjómasósu. Í stuttu máli: Leggðu hart að þér og borðaðu kolvetni.“
Matgæðingurinn Mia heimsótti meðal annars Kaupmannahöfn á dögunum og var alveg yfir sig hrifin.
Hún var að sjálfssögðu dugleg að fara út að borða og heimsótti meðal annars veitingastaðina Kong Hans, Amass, Kadeau og Geranium en á þessari Instagram mynd sést fallegur réttur sem hún myndaði á síðastnefnda staðnum.
Taktu eftir að hún er með hníf og gaffal flúrað á löngutöng.
