Borgarbókasafnið | Menningarhús Gerðubergi – Miðvikudaginn 2. maí kl. 20.00
Á bókakaffi í maí fjallar Sólveig Ásta Sigurðardóttir um birtingarmyndir innflytjenda í íslenskum bókmenntum og svarar meðal annars spurningunum: Hvað getur íslenskur skáldskapur sagt okkur um fjölmenningu á Íslandi? Hvernig geta bókmenntarannsóknir lagt til gagnrýninnar umræðu um stöðu innflytjenda í íslensku samfélagi?
Sólveig Ásta er doktorsnemi í enskum bókmentum við Rice-háskóla í Houston í Bandaríkjunum.
Í erindi hennar verða þrjár íslenskar bækur, Vetrarborgin eftir Arnald Indriðason, Illska eftir Eirík Örn Norðdahl og Maðurinn sem hataði börn eftir Þórarinn Leifsson skoðaðar með það að markmiði að greina hvernig höfundar framsetja persónur sínar.
Sólveig mun jafnframt leitast við að svara því hvort hægt sé að greina sameiginlega þræði í ólíkum verkum og hvernig höfundar vinna með tungumál aðfluttra Íslendinga í verkum sínum.
Kaffikvöld eru röð viðburða á miðvikudagskvöldum í Menningarhúsi Gerðubergi en Bókakaffi er haldið fjórða miðvikudagskvöld í mánuði.
Þema Bókakaffis á vormisseri 2018 er fjölmenning, í tilefni af tíu ára afmæli fjölmenningarstarfs Borgarbókasafnsins.
Af sama tilefni stendur safnið fyrir ráðstefnunni Rætur og vængir í maí 2018.
Kynnið ykkur dagskrá Bókakaffis á vormisseri 2018 á heimasíðu safnsins www.borgarbokasafn.is
[googlemaps https://www.google.com/maps/embed?pb=!1m18!1m12!1m3!1d1742.4817130137023!2d-21.81725978371047!3d64.10443892639093!2m3!1f0!2f0!3f0!3m2!1i1024!2i768!4f13.1!3m3!1m2!1s0x48d6736d5ea8c6c1%3A0x224a7bf23050ad4a!2zQm9yZ2FyYsOza2FzYWZuacOwIHwgTWVubmluZ2FyaMO6cyBHZXLDsHViZXJnaQ!5e0!3m2!1sis!2sis!4v1525280390149&w=600&h=450]
