Þetta kom fram í viðtali í þættinum „Meet The Press“ sem var sýndur á NBC í gærkvöldi. Þar sagði Trump að hann telji Joe Biden ekki of gamlan til að bjóða sig fram en að hann væri hins vegar óhæfur til að gegna embættinu og það sé „stærra vandamál“. Trump er 77 ára en Biden er 80 ára.
Trump sagðist einnig hrifinn af „hugmyndinni“ um að kona verði varaforsetaefni hans. Um leið lofsamaði hann Kristi Noem, ríkisstjóra í Suður-Dakóta, og sagði hana frábæra.
Hvað varðar hæfnispróf frekar en aldurstakmörk sagðist Trump hafa tekið slíkt próf fyrir tveimur eða þremur árum. „Ég negldi það. Ég var með allt rétt. Ég er hlynntur prófum. Í hreinskilni sagt held ég að próf væri jákvætt,“ sagði hann.
Prófið sem hann gekkst undir var ekki greindarpróf heldur 10 mínútna könnun sem er notuð til að meta hvort fólk sýni merki andlegrar skerðingar eða snemmbúinna elliglapa.
