fbpx
Miðvikudagur 20.október 2021
Eyjan

Birgir lét mála sjálfan sig á altaristöfluna í Knarraneskirkju – „Menn geta leyft sér ýmislegt í sínum einkakirkjum“

Eyjan
Mánudaginn 11. október 2021 17:00

Ekki missa af Helstu tíðindum dagsins í pósthólfið þitt

Lesa nánar

Birgir Þórarinsson, þingmaður Sjálfstæðisflokksins, setti allt á annan endan í hinu pólitíska samfélagi á Íslandi um helgina er hann sneri baki við Miðflokknum, flokknum sem hann var kjörinn á þing fyrir fyrir fáeinum vikum síðan, og gekk til liðs við Sjálfstæðisflokkinn.

Töldu margir að Birgir hefði ákveðið þetta liðhlaup fyrir kjördag en ákveðið að bíða þar til hann hefði kjörbréfið í höndunum áður en hann stökk frá Miðflokksborðinu.

Birgir hefur því töluvert verið milli tannanna á landsmönnum undanfarna daga eftir heilt kjörtímabil á þingi þar sem fór nokkuð lítið fyrir honum, enda eftirminnilega skilinn útundann þegar þingmenn Miðflokksins komu saman á Klaustursbarnum árið 2018.

Það er því ekki furða að fólk hafi nú skoðað þingmanninn betur og hafa nú einhverjir veitt því eftirtekt að í Knarraneskirkju – sem er kirkja sem Birgir og kona hans, Anna Rut Sverrisdóttir, reistu sjálf á jörð sinni, Minna-Knarranesi, megi finna altaristöflu þar sem þingmaðurinn sjálfur er málaður við hliðina á  frelsaranum sjálfum.

Birgir leitað til úkraínska listamannsins Andrii Kovalenko og fól honum að mála altaristöflur sem sýnir meðal annars núverandi ábúendur – Birgir og Önnu – ásamt nokkrum forfeðrum þeirra og svo Jesús Krist sjálfan fyrir miðju.

Birgir er þarna lengst til hægri

Knarraneskirkja var vígð með pomp og prakt í ágúst síðast liðnum þar sem Karl Sigurbjörnsson biskup vígði kirkjuna.

Það var svo formaður Miðflokksins sjálfur, Sigmundur Davíð Gunnlaugsson, sem tók fyrstu skóflustunguna að kirkjunni árið 2015. Þá var Sigmundur Davíð forsætisráðherra fyrir Framsóknarflokkinn en stjórnarmyndunarviðræður Framsóknar og Sjálfstæðisflokksins fóru einmitt fram á heimilinu að Minna Knarranesi. Sigmundur á svo víst sjálfur rætur að rekja til Knarraness samkvæmt frétt Víkurfrétta á sínum tíma.

Nokkrir netverjar hafa velt altaristöflunni fyrir sér undanfarinn sólarhring

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

Burt með Birgi – Undirskriftum safnað til höfuðs Birgi Þórarinssyni – „Hann svindlaði á kjósendum“

Burt með Birgi – Undirskriftum safnað til höfuðs Birgi Þórarinssyni – „Hann svindlaði á kjósendum“
Eyjan
Fyrir 5 dögum

„Þetta jafngildir því að bankarnir þrír muni ná um 750 þúsund krónum af hverri fjögurra manna fjölskyldu á þessu ári“

„Þetta jafngildir því að bankarnir þrír muni ná um 750 þúsund krónum af hverri fjögurra manna fjölskyldu á þessu ári“
Eyjan
Fyrir 1 viku

Sum sveitarfélög varla sjálfbær vegna kostnaðar við þjónustu við fatlaða – Launakostnaður ein helsta ógnin við fjármálin

Sum sveitarfélög varla sjálfbær vegna kostnaðar við þjónustu við fatlaða – Launakostnaður ein helsta ógnin við fjármálin
Eyjan
Fyrir 1 viku

Hálendisþjóðgarður og orkunýting tefja stjórnarmyndunarviðræður

Hálendisþjóðgarður og orkunýting tefja stjórnarmyndunarviðræður