fbpx
Mánudagur 06.júlí 2020
Eyjan

Sigríður Andersen sakar Umhverfisstofnun um falsfréttir – „Hanky-panky í loftslagsumræðunni“

Ritstjórn Eyjunnar
Miðvikudaginn 20. nóvember 2019 12:00

Ekki missa af Helstu tíðindum dagsins í pósthólfið þitt

Lesa nánar

Sigríður Á. Andersen, þingmaður Sjálfstæðisflokksins og fyrrverandi dómsmálaráðherra, segir misræmis gæta í útgáfu gagna Umhverfisstofnunar. Hún segir tölur um losun á gróðurhúsalofttegundum hér á landi stangast á:

„Enn og aftur er Umhverfisstofnun uppvís að því að afneita eigin tölfræði. Í síðustu viku sendi stofnunin frá sér tilkynningu um losun Íslendinga á gróðurhúsalofttegundum. Þar er því haldið fram að hlutur vegasamgangna í losuninni sé 34%. Það er bara ekki rétt því eins og gögn sem Umhverfisstofnun sjálf leggur fram er þessi hlutdeild vegasamgangna ekki nema 6%.“

Pistill Sigríðar nefnist Hókus pókus og hún deilir honum á Facebook síðu sinni með orðunum:

„Örpistill um smá hanky-panky í loftslagsumræðunni.“

Gögnin tali sínu máli

Sigríður notast við gögn frá Umhverfisstofnun máli sínu til stuðnings og birtir súlurit frá Umhverfisstofnun sem sýnir heildarlosun gróðurhúsalofttegunda á Íslandi að millilandaflugi og siglingum frátöldum.

„LULUCF stendur fyrir „Land Use, Land Use Change and Forrestry“ en undir þann hluta fellur framræst votlendi. Augljóst er af þessari mynd að stærstur hluti losunar hér á landi stafar frá framræstu landi,“

segir Sigríður.

Hókus pókus

Þá bendir hún á súlurit sem hún telur aðeins segja hálfa söguna:

„Þar fyrir neðan er súluritið B sem Umhverfisstofnun býr til þegar embættismenn hafa samið um svokölluð „sameiginleg markmið í loftslagsmálum“ með Evrópusambandinu. Einhvers konar hókus pókus hefur þá verið framkvæmdur sem leiðir til þess að orkuhlutinn (þar með talinn losun frá vegasamgöngum) er orðinn allsráðandi. Þetta er líklega forsenda þess að hægt sé að semja um alls konar, færa peninga og loftslagskvóta á milli landa í allar áttir og skapa stöðu fyrir þá sem hana vilja taka. Ekkert af þessu skiptir þó máli fyrir loftslagið. Hvað þá fyrir veðrið.

Mynd B segir auðvitað bara hálfa söguna og varla það. Hana notar Umhverfisstofnun samt til að senda út tilkynningar um að 34% af losun stafi frá bílum þegar 6% er nær lagi þegar allt er tekið með í reikninginn.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 4 dögum

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 4 dögum

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti
Eyjan
Fyrir 1 viku

Ný skýrsla: Heilbrigðisstofnanir, dómstólar og lögregluembætti fylgja ekki lögum og reglum

Ný skýrsla: Heilbrigðisstofnanir, dómstólar og lögregluembætti fylgja ekki lögum og reglum
Eyjan
Fyrir 1 viku

Icelandair frestar hlutafjárútboði – Greiðslustöðvun náist ekki samningar

Icelandair frestar hlutafjárútboði – Greiðslustöðvun náist ekki samningar