Nadia, 23 ára, vinnur á COVID-deild fyrir karlmenn á sjúkrahúsi í Rússlandi. Hún þarf að klæðast hlífðargalla í vinnunni. Hún var aðeins í undirfötum undir gallanum, sem er hálf gegnsær, þegar sjúklingur tók myndir af henni sem fóru svo á dreifingu um netið.
Nadia sagði yfirmönnum að henni hafi verið of heitt til að vera í venjulegum fatnaði undir gallanum og þess vegna hafi hún verið á undirfötunum. Mirror greinir frá.
Enginn sjúklingur á deildinni, sem eru aðeins karlmenn, kvartaði yfir henni en engu að síður ætluðu yfirmenn sjúkrahússins að beita hana viðurlögum.
Almenningur hefur komið Nadiu til varnar. Henni var meira að segja boðið að sitja fyrir í auglýsingu fyrir undirfatamerkið Miss X.
Tvær myndir af Nadiu fóru á dreifingu um internetið. Það má sjá undirföt hennar í gegnum hlífðargallann og tók sjúklingur á deildinni sem myndirnar.
Hingað til hefur Nadia ekki tjáð sig opinberlega um málið. Dr Anastasia Vasilyeva, formaður Doctor‘s Alliance, sagðist vera reiðubúin að aðstoða Nadiu ef viðurlögum yrði beitt.
„Við munum styðja hana ef hún leitar til okkar,“ segir hún.
„Við þurfum að beina athygli okkar að hlífðargallanum, ekki undirfötum hennar. Hlífðargallinn fullnægir ekki stöðlum, hann virðist vera gerður úr einhvers konar plasti. Í fyrsta lagi á hlífðargalli aldrei að vera gegnsær, hann á að vera úr allt öðru efni.“
Hjúkrunarfræðingurinn Oksana Drybo vinnur á sama sjúkrahúsi og Nadia. Hún segir að það sé mikilvægt að fólki viti af hverju þetta hafi gerst. Það var ekki til réttur fatnaður sem hjúkrunarfræðingar og læknar eiga að klæðast undir hlífðargallanum, og Nadiu var allt of heitt í venjulegum fatnaði.
Opinberar persónur í Rússlandi hafa komið Nadiu til varnar, þar á meðal fyrrum hnefakappinn Nikolai Valuev. Hann hvatti almenning til að taka þátt í undirskriftasöfnun til stuðnings Nadiu.
Stjórnmálamaðurinn Vitaly Milonov sagði að það ætti ekki að beita Nadiu viðurlögum. „Þetta var ekki gert af illsettu ráði, ég er viss um að hún skammist sín.“
