Söng- og leikkonan Þórunn Erna Clausen á von á barni með kærasta sínum, knattspyrnumanninum Olgeiri Sigurgeirssyni. Þórunn og Olgeir hafa verið saman um nokkurt skeið og eiga fyrir fjögur börn samtals; hún tvö úr fyrra sambandi og hann tvö. DV lék því forvitni á að vita hvernig Þórunn og Olgeir eiga saman samkvæmt stjörnuspekinni.
Þórunn er meyja en Olgeir er vog. Þessi tvö merki eiga einstaklega vel saman og þegar þau koma saman í ástarsambandi er líkt og tvö púsl falli loksins þétt að hvort öðru. Bæði merkin þrá öryggi í ástarsambandi og þau elska allt sem er skapandi. Þau vinna vel saman, þótt þau búist við mismunandi viðurkenningu úr vel unnu starfi.
Meyja og vog eru miklir safnarar og elska leikhúsið. Þau elska að blanda saman ánægju og gagnsemi og vega hvort annað upp. Meyjan elskar sjarma vogarinnar og vogin er góður málamiðlari þegar meyjan fær ekki allt sem hún vill. Vogin kann einnig að meta að meyjan þarf ávallt að hafa allt í röð og reglu.
Meyjan og vogin eru ekki alltaf sammála – langt því frá. Hins vegar er mjög mikilvægt að þessi tvö merki hlusti á hvort annað til að geta tekið ákvarðanir og haldið áfram. Ef það tekst er ekkert sem stöðvar þau Þórunni og Olgeir.
Þórunn
Fædd: 12. september 1975
Meyja
-trygglynd
-góðhjörtuð
-vinnuþjarkur
-praktísk
-feimin
-gagnrýnin
Olgeir
Fæddur: 22. október 1982
Vog
-vinnur vel með öðrum
-kurteis
-diplómatískur
-félagsvera
-óákveðinn
-forðast átök