Í tilkynningu frá lögreglunni á Austurlandi vegna alvarlegs umferðarslys sem varð á Hringveginum á milli Djúpavogs og Breiðdalsvíkur, skammt frá bænum Krossi, í gær kemur fram að einstaklingurinn sem lést í slysinu hafi verið Íslendingur á áttræðisaldri.

Fram kemur að tilkynning um slysið barst klukkan 11:45 í gær. Allt tiltækt lið lögreglu var sent á staðinn auk sjúkraliðs frá Fjarðabyggð og tækjabifreiðar frá Djúpavogi og úr Fjarðabyggð.

2 Þyrlur Landhelgisgæslunnar komu á vettvang og fluttu slasaða undir læknishendur.

Enginn þeirra þriggja sem fluttir voru á Landsspítalann er í lífshættu.

Eins og áður segir var einstaklingurinn sem lést í slysinu Íslendingur á áttræðisaldri.

Segir að lokum í tilkynningunni að rannsókn slyssins sé í fullum gangi og að ekki verði veittar frekari upplýsingar að svo stöddu.