Ofnskúffur og bakstursplötur eru nauðsynlegar í eldhúsinu en með tímanum geta blettir og brunnin fita safnast saman á þeim. Það dugir oft ekki að vaska þær upp með hefðbundnum aðferðum en sem betur fer, þá eru til áhrifaríkar aðferðir til að þrífa þær.

Á vef Allrecipes er að finna góð ráð um hvernig er hægt að þrífa skúffurnar og plöturnar á einfaldan en áhrifaríkan hátt. Hér er eitt þeirra.

Lyftiduft og edik – Náttúrleg lausn

Eitt áhrifaríkasta ráðið er að blanda lyftidufti og ediki saman því það kemur að góðu gagni við að leysa fastbrennda drullu.

Það á að fylla vaski af heitu vatni og bæta hálfum bolla af lyftidufti og hálfum bolla af ediki út í vatnið. Platan eða skúffan er látin liggja í bleyti í 30 til 60 mínútur. Síðan er hún skrúbbuð með svampi og það á að nota hringlaga hreyfingar til að draga úr líkunum á að rispur myndist. Að lokum á að þvo plötuna eða skúffuna með sápu og vatni og þurrka að því loknu.