Kynlífs- og sambandsmarkþjálfinn Þórhildur Magnúsdóttir og kærasti hennar Marcel ætluðu sér ekki að byrja saman, þau voru bara að leita að bólfélaga.

Þau hafa nú verið saman í eitt og hálft ár en hann býr erlendis og þarf því alltaf allavega annað þeirra að stíga um borð í flugvél til að hittast. Þórhildur er gestur vikunnar í Fókus og ræðir meðal annars um opin sambönd, en hún hefur verið með eiginmanni sínum í átján ár. Hún ræðir einnig um hvað gerir kynlíf gott og hvernig gengur að vera í fjarsambandi í spilaranum hér að neðan.

Brotið er hluti af nýjasta þætti af Fókus sem má horfa á hér eða hlusta á Spotify.

Við spurðum Þórhildi: Hvað gerir kynlíf gott?

„Mjög stór spurning, en það fer náttúrulega eftir einstaklingum. En ég myndi segja að það sé þar sem þú getur verið að upplifa frelsi og leik, ég myndi segja að það sé aðalatriðið í því. Og það kemur frá því að það sé góð tenging, að þú upplifir öryggi með manneskjunni og svo á sama tíma þessi forvitni og það sé eitthvað spennandi til að uppgötva,“ segir hún.

Þórhildur segir að það sé einnig mikilvægt að vera opin fyrir því að uppgötva eitthvað nýtt. „Það er mikil hliðstæða við það þegar fólk missir áhugann á kynlífi þá heldur það að það viti hvað kynlíf er. Svolítið eins og þú gætir ímyndað þér: „Ég veit hvernig er að fara á McDonalds og panta þennan rétt, hann er alltaf eins, nákvæmlega eins.“ Ég held að ef fólk lítur þannig á kynlíf, að kynlíf er bara þetta og við gerum þessa hluti í þessari röð, ég veit nákvæmlega hvernig mér mun líða, þá hættir það að vera spennandi og skemmtilegt. Þannig maður þarf að vera opinn fyrir því að það komi þér á óvart hvað þú ert að fara að upplifa.“

Þórhildur útskýrir nánar í spilaranum hér að ofan. Það er einnig hægt að hlusta á þáttinn á Spotify.

Prófaðu að endurhlaða síðunni eða smella hér ef þú sérð ekki færsluna hér að neðan.

 

View this post on Instagram

 

A post shared by Thorhildur ❤️‍🔥 Tantric Relationship Coach (@sundurogsaman)

Þórhildur heldur úti vinsælu Instagram-síðunni Sundur og saman og samnefndu hlaðvarpi. Marcel hefur verið gestur í tveimur þáttum og ræddu þau nánar um kynlíf. Það er hægt að hlusta á þann þátt hér.

Það er margt spennandi fram undan hjá Þórhildi, en auk þess að bjóða upp á sambandsmarkþjálfun er hún að fara út með hóp kvenna í Fullvalda retreat. Þetta er í þriðja skipti sem hún heldur slíkan vikulangan viðburð og verður hann á Spáni í sumar að þessu sinni. Hún ræðir þetta frekar í lok þáttarins en svo má nálgast meiri upplýsingar á Instagram-síðu hennar Sundur og saman.