Roberto De Zerbi, stjóri Marseille, vill fá meira frá fjölmiðlum í Frakklandi og tekur undir orð forseta félagsins, Pablo Longoria.

Longoria tjáði sig á dögunum en hann segir að dómarar í Frakklandi séu gegn Marseille og að fjölmiðlar þar í landi geri lítið af því að fjalla um slæmar ákvarðanir.

De Zerbi er sammála forsetanum en bendir á að það séu önnur lið sem þurfi að taka svipaðri dómgæslu í deildinni.

,,Síðan ég mætti til Frakklands þá hef ég séð hluti sem ég skil ekki og það tengist ekki bara Marseille,“ sagði De Zerbi.

,,Það er kannski því ég er ítalskur.. Ég kom til Marseille því þetta er stærsta félagið í Frakklandi. Ég ber virðingu fyrir öllum en fjölmiðlar þurfa einnig að láta í sér heyra varðandi þessi mál.“