Eric Dier fær ekki mikið að spila hjá Bayern Munchen en hann er afskaplega vinsæll á meðal leikmanna liðsins.

Þetta segir Joshua Kimmich, ein af stjörnum Bayern, en hann fær sjálfur að spila nánast alla leiki liðsins.

Dier er fyrrum enskur landsliðsmaður og leikmaður Tottenham en hann er í erfiðleikum með að festa sig í sessi á Allianz Arena.

,,Þegar ég sé hvernig Eric Dier æfir á hverjum degi – hann er einn besti liðsfélagi sem ég hef átt,“ sagði Kimmich.

,,Hann hefur ekki spilað margar mínútur en hann er gríðarlega mikilvægur fyrir liðið. Hans hugarfar hjálpar okkur sem lið.“

,,Ef þú hringir í hann klukkan sex í kvöld og segir honum að mæta á æfingu þá mætir hann og gefur 100 prósent í verkefnið.“