„Það er reiði og mjög mikil kvíði fyrir framtíðinni, er ég að fara að missa hann eða er hann að fara að hafa þetta af? Er hann að fara að lifa þetta af? Kvíði og ótti og hræðsla sem kemur yfir mann.“

Svona lýsir Mínerva Gísladóttir tilfinningum sínum eftir að eiginmaður hennar greindist með briskrabbamein árið 2016.

„Við vorum í þessu verkefni, hann var að berjast við þetta í fimm og hálft ár sem endaði með að krabbameinið vann, Á meðan hann var veikur þá hlúði ég ekki að mér. Allur minn fókus fór í að hugsa um hann og styðja hann. Ég gleymdi sjálfri mér.“

Mínerva segir sögu sína í tilefni af Bleiku slaufunni, árlegu árvekni- og fjáröflunartátaki Krabbameinsfélagsins, sem jafnan fer fram í október. Bleika slaufan er komin út í 25 sinn, hönnuð af Sigríði Soffíu Níelsdóttur, Siggu Soffíu, sem greindist brjóstakrabbamein árið 2020 og þurfti að fara í lyfja- og geislameðferð og aðgerð.

Eftir þrjú og hálft ár var henni bent á ráðgjafaþjónustu Krabbameinsfélagsins og segist Mínerva hafa fengið þar hvatningu og andlegan stuðning og allt sem hún þurfti og það hafi verið alveg frábært.

Hún segist hana heyrt mikið um manneklu og plássleysi niðri á Krabbameinsdeild sem og á Landspítalanum svo bara það að standa með sjálfri sér sé það sem skiptir mestu máli.

„Þessi reynsla hefur sýnt mér að maður þarf að nýta hverja stund sem maður fær og nýta allan þann tíma með okkar nánustu. Taka einn dag í einu og vera með í ferlinu.“