Jurgen Klopp, fyrrum stjóri Liverpool, mun þjálfa sinn fyrsta leik í nokkra mánuði í dag á Signal Iduna Park.
Klopp yfirgaf Liverpool eftir síðasta tímabil en hann hefur verið að taka sér verðskuldaða pásu frá boltanum.
Þjóðverjinn samþykkti þó að taka þátt í verkefni í dag þar sem bæði Jakub Blaszczykowski og Lukasz Piszczek eru heiðraðir hjá Borussia Dortmund.
Klopp vann með báðum þessum leikmönnum hjá Dortmund áður en hann færði sig yfir til Englands.
Verið er að kveðja þessar tvær goðsagnir í leiknum sem fer fram í dag en fleiri stór nöfn verða sjáanleg í viðureigninni.
Hvað tekur við hjá Klopp eftir leikinn er óljóst en hann var síðast stjóri Dortmund árið 2015.
