Lee Dykes, tæknilegur ráðgjafi Brentford, getur ekki beðið eftir því að Ivan Toney snúi aftur í liðið en viðurkennir að það gæti senn komið að því að framherjinn yfirgefið félagið.

Toney er að klára að afplána átta mánaða banni frá knattspyrnu fyrir brot á veðmálareglum.

„Ég er svo spenntur fyrir því að fá Ivan til baka því ég sé hann æfa og það er eins og hann hafi aldrei farið. Hann er mjög metnaðarfullur og ég sé að hann verður betri en nokkru sinni fyrr,“ segir Dykes.

Eins og flestir vita opnar félagaskiptaglugginn á ný í janúar. Toney hefur verið orðaður við stærri lið og einna helst Arsenal.

„Það verður mikill áhugi á Ivan í janúar. Eðlilega, svoleiðis ætti það að vera. Hann var þriðji markahæsti leikmaður úrvalsdeildarinnar á síðustu leiktíð og að mínu mati er hann einn af fimm bestu framherjum í heimi.

Kannski kemur að því mjög fljótlega að Ivan fari í annað félag. En það þarf að borga alvöru upphæð fyrir hann því hann er með svakalega hæfileika,“ segir Dykes.