Samkvæmt myndinni námu hreinar vaxtatekur Arion banka, Landsbankans og Íslandsbanka samtals 113 milljörðum króna á fyrstu níu mánuðum þessa árs. Á sama tímabili 2022 var upphæðin 94 milljarðar og árið 2021 var hún 77 milljarðar.
Inga er allt annan en sátt við þróun mála.
„Og svo er öskrað og grenjað þótt Flokkur fólksins vilji sækja fé í þessar græðgismaskínur með því að koma bankaskattinum í 0,838%,“ segir hún og lætur ýmislegt flakka.
„Enn og aftur erum við fórnarlömb valdníðslu og okurs. Enn og aftur fara fram stórkostlegir fjármagnsflutningar frá almenningi til auðmanna og okrara sem stendur nákvæmlega á sama um allt nema rassgatið á sljálfum sér. GRÆÐA GRÆÐA OG GRÆÐA MEIRA er eina hugtakið sem þeir hafa tileinkað sér.“
Hún vandar ríkisstjórninni ekki kveðjurnar.
„Þvílíkt ógeðsleg ríkisstjórn sem gerir ekkert til að vernda okkur gegn þessum viðbjóði. Löggjafarvaldið er á Alþingi og það er þar sem taka skal á þessum óþverra öllum saman. Það er þar sem setja ber lög til verndar heimilunum. Það er þar sem lög yrðu sett til að verjast því að græðgismaskínur fjármálafyrirtækjanna fleyttu hækkun bankaskattsins til baka og beint í andlitið á okkur. Það er kjaftæði og algjör fyrirsláttur að ætla að halda því fram að þetta lið geti gert nákvæmlega það sem því sýnist, það er algjörlega undir ríkisstjórninni komið,“ segir Inga sem endar færslu sína á Facebook á þessum orðum:
„Bankarnir eru meira en aflögufærir svo mikið er víst. Við skulum hafa það á hreinu að þetta er mannanna verk.“
