Hún greindi frá því á Instagram að hún hafi verið „ein af síðustu manneskjunum“ til að sjá og tala við leikarann áður en hann fannst látinn á laugardaginn.
„Ég ætlaði ekki að tala um þetta en það sem ég vil segja er að ég fékk þann heiður að þekkja Matthew persónulega,“ skrifaði hún á miðlinum.
„Ég er miður mín vegna fráfalls hans en mér finnst ekki viðeigandi að tala um það opinberlega þar sem athyglin ætti ekki að vera á mér, heldur á honum og arfleifð hans. Honum þótti mjög annt um einkalíf sitt og ég bar alltaf virðingu fyrir því í okkar vináttu.“
Hún hélt áfram:
„En vissulega, við vorum vinir og ég var ein af síðustu manneskjunum til að tala við hann og sjá hann áður en hann féll frá.“
Í annarri færslu sagði hún frá hugarástandi leikarans þegar þau hittust í hádegismat á föstudaginn síðastliðinn.
„Ég vil leggja áherslu á að Matthew var í mjög góðu skapi og talaði spenntur um það sem væri fram undan hjá honum. Hann var svo hamingjusamur og hress,“ sagði hún og bætti við:
„Höfum það á hreinu að þessi maður var að koma til baka [í bransann] og verðskuldaði meiri tíma á þessari jörð. Skemmtanabransinn hefur misst goðsögn.“
Sjá einnig: Síðustu myndirnar af Matthew Perry – Virtist afslappaður með vini sínum
Yfirlýsing Crosby er í þversögn við fyrri fréttir um ástand Perry.
New York Post greindi frá því í gær að Perry hafi glímt við mikinn einmanaleika sem skerti lífsgæði hans verulega. Heimildarmenn Daily Mail sögðu að hann hafi verið einmana og þráð að eignast konu og fjölskyldu – börn og síðar barnabörn.
Sjá einnig: Þetta var það síðasta sem Matthew Perry deildi á samfélagsmiðlum – Var gríðarlega einmana fyrir andlátið
