Síðustu myndirnar af Matthew Perry voru teknar nokkrum dögum áður en hann lést. Hann virtist hafa verið afslappaður að sögn Page Six, sem birti myndirnar.
Leikarinn fannst látinn á heimili sínu á laugardaginn eftir að hafa drukknað í nuddpotti. Dánarorsök er óljós og hefur verið frestað niðurstöðu krufningar þar til niðurstöður eiturefnarannsóknar liggja fyrir.
Sjá einnig: Segja Matthew Perry hafa verið einmana þegar hann dó og þráð að eignast konu og börn
Sex dögum áður var hann myndaður í síðasta skipti á almannafæri. Hann fór á vinsælan hamborgarastað í Los Angeles, Apple Pan, með vini sínum. Hann var í grænum bol, svörtum buxum og strigaskóm. Samkvæmt miðlinum virtist hann afslappaður.
Matthew Perry looked relaxed at dinner with a friend in last public sighting before death https://t.co/pb9wVmxoqC pic.twitter.com/WNYLg6tYTj
— Page Six (@PageSix) October 29, 2023
Perry varð heimsfrægur fyrir hlutverk sitt sem Chandler Bing í sjónvarpsþáttunum Friends, sem sýndir voru í tíu ár, en á næsta ári eru 20 ár liðin frá því að síðasti þátturinn var sýndur. Smelltu hér til að lesa nánar um feril hans og ævi.
Sjá einnig: Dánarorsök Matthew Perry – Veröldin syrgir vin
