Jóhannes Felixson, best þekktur sem Jói Fel, hélt í gær sitt fyrsta myndlistarnámskeið þar sem hann kenndi meðferð á olíupastel litum.  Jói hefur málað af kappi síðustu ár og hafa myndir hans vakið athygli og nú er lag að kenna öðrum listina.

„Málað er með fingrunum, ekki er notaður pensill eða annað sem fólk er vant að nota í myndir og/eða málverk. Farið verður yfir grunnþætti í uppbyggingu myndar með litunum. Um sýnikennslu er að ræða, en allir munu prufa litina til að finna hvernig þeir virka,“ sagði Jói í færslu um námskeið á Facebook í síðustu viku. 

Tíu manns komust að á námskeiðið sem var 2-3 klukkutímar og hefur Jói því ákveðið að halda annað námskeið þann 1. nóvember.

„Olíupastel námskeiðið gekk svona svakalega vel að ég verð með annað námskeið miðvikudaginn 1. Nóvember. Verður kl. 18 að þessu sinni. tekur rúmlega tvo tíma. Gerði þessar skissu myndir og fer vel yfir hvað þarf að varast og hvernig myndir eru byggðar upp.“