Íslensk Onlyfans-stjarna, sem haldið hefur úti slíkri síðu í þrjú ár, er í vanda vegna þess að greiðslur eru farnar að berast seint og illa frá vefsíðurisanum. Þá hefur greiðsla fyrir einn mánuð, sem hljóðaði upp á 860 dollara eða rúmar 113 þúsund krónur, týnst.
Þetta kemur fram í nafnlausri færslu viðkomandi á Facebook-síðunni Lögfræðinördar þar sem óskað er eftir hjálp kunnugra til að endurheimta féið.
„Þannig er mál með vexti að ég er með Onlyfans síðu og hef verið með í um þrjú ár. Venjulega sækir maður um millifærslu (erlend millifærsla í gegnum banka) og tekur hún að jafnaði 5-7 daga að berast í heimabankann eins og Onlyfans gefur fram á heimasíðu sinni. Upp á síðkastið (frá áramótum) hafa greiðslurnar hins vegar borist mjög seint (allt upp í 20 dögum of seint) og nú nýlegast, hefur ein millifærslan frá þeim „týnst“,“ skrifar Onlyfans-stjarnan.
Segir viðkomandi að færsla upp á 860 dollara hafi verið samþykkt af Onlyfans þann 4. júlí síðastliðinn en ekkert bóli á peningunum. Þá hafi ítrekuðum fyrirspurnum til síðunnar og viðskiptabanka viðkomandi, Landsbankans, litlu skilað.
„Hvað get ég gert í þessari stöðu, ef eitthvað?,“ spyr Only-fans stjarnan ráðþrota.
Þá segir hún Onlyfans hafa gert þau óásættanlegu mistök að senda sér svokallaða PTC-kvittun fyrir millifærslu til annars viðskiptavinar, sem bar sama fornafn og íslenska Onlyfans-stjarnan þar sem viðkvæmar persónuupplýsingar komu fram, meðal annars fullt nafn, heimilisfang og bankaupplýsingar.
„Þetta sjokkeraði mig þar sem þetta er óásættanleg mistök að gera, en ég hafði auðvitað upp á stelpunni og lét hana vita af þessu,“ segir viðkomandi og ítrekar beiðni sína um hjálp.
Hér má sjá færsluna í heild sinni:
