fbpx
Sunnudagur 19.maí 2024
Fréttir

Ógeðfellt áróðursmyndband ISIS: Fjögurra ára drengur sprengir meinta njósnara í loft upp

Drengurinn var heilaþveginn af liðsmönnum ISIS, að sögn afa hans

Einar Þór Sigurðsson
Fimmtudaginn 11. febrúar 2016 12:15

Ekki missa af Helstu tíðindum dagsins í pósthólfið þitt

Lesa nánar

Fjögurra ára breskur drengur, Isa Dare, sést í nýju áróðursmyndbandi hryðjuverkasamtakanna ISIS sprengja þrjá meinta njósnara í loft upp. Fórnarlömbin sjást sitja handjárnaðir í bifreið, drekkhlaðinni sprengiefnum úti í óbyggðum Sýrlands. Isa Dare, sem gengur undir nafninu „Jihadi Junior“, sést svo ýta á takka og í kjölfarið springur bíllinn í loft upp.

Myndbandið, sem búið er að klippa, má sjá hér að neðan en athygli er vakin á því að það kann að vekja óhug hjá fólki

Mennirnir sem teknir voru af lífi voru sakaðir um að vera njósnarar eða um að vinna gegn ISIS.
Sakaðir um njósnir Mennirnir sem teknir voru af lífi voru sakaðir um að vera njósnarar eða um að vinna gegn ISIS.

Undir lok myndbandsins sést svo það sem eftir er af bifreiðinni og heldur litli drengurinn upp handleggnum áður en hann ákallar Allah, „Allahu Akbar“. Þetta er í annað skiptið sem drengurinn kemur fram í áróðursmyndbandi ISIS.

Í myndbandinu sjást fórnarlömbin viðurkenna að hafa stundað njósnir eða unnið með einhverjum hætti gegn ISIS. Þá sést einn ISIS-liðsmaður sem stendur við hlið drengsins hóta David Cameron, forsætisráðherra Bretlands, fyrir að sjá óvinum ISIS fyrir vopnum.

Ungi drengurinn sem birtist í umræddu myndbandi er fæddur í Bretlandi, en móðir hans fór með hann Sýrlands ekki alls fyrir löngu og gekk í raðir ISIS. Í viðtali við Mail Online fyrir skemmstu sagði afi drengsins, Henry Dare, að hann hefði heyrt í barnabarni sínu skömmu áður en hann birtist í fyrsta myndbandi samtakanna. Þá hefði hann beðið afa sinn um að hjálpa sér að komast aftur til Bretlands.

„Hann er bara barn. Hann er undir áhrifum frá liðsmönnum ISIS og er of ungur til að skilja hvað hann er að segja. Hann er notaður sem áróðurstæki, sem skjöldur,“ sagði Henry eftir að Isa birtist í fyrra áróðursmyndbandinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Umdeild hinsta ósk hennar verður uppfyllt – Fær að deyja innan fárra vikna

Umdeild hinsta ósk hennar verður uppfyllt – Fær að deyja innan fárra vikna
Fréttir
Í gær

Þorvaldur var í bátnum sem hvolfdi: „Þetta gerðist allt í einu“

Þorvaldur var í bátnum sem hvolfdi: „Þetta gerðist allt í einu“
Fréttir
Fyrir 2 dögum

Líkamsræktarstöð hirti ekki um að skipta út 10 ára gömlum ströppum sem endaði með ósköpum

Líkamsræktarstöð hirti ekki um að skipta út 10 ára gömlum ströppum sem endaði með ósköpum
Fréttir
Fyrir 2 dögum

Segir gjaldskyldu vegna nagladekkja ekki í skoðun

Segir gjaldskyldu vegna nagladekkja ekki í skoðun