Það er möguleiki á að næstu félagaskipti Jude Bellingham verði tilkynnt eins snemma og í næstu viku.
Þetta fullyrðir spænski miðillinn Marca en Bellingham er sterklega orðaður við Real Madrid á Spáni.
Útlit er fyrir að Bellingham sé á leið til Spánar og verður mögulega tilkynntur hjá félaginu eftir helgi.
Bellingham mun kosta 100 milljónir evra en hann var lengi orðaður við Liverpool en þau skipti gengu ekki upp.
Um er að ræða aðeins 19 ára gamlan leikmann sem hefur spilað glimrandi vel með Borussia Dortmund.
