Í gærkvöldi átti sér stað einn stærsti tískuviðburður heims – Met Gala. Stjörnurnar mættu í sínu fínasta pússi á Metropolitan listasafnið. Í ár var hönnuðurinn Karl Lagerfeld heiðraður og var þemað „Karl Lagerfeld: A Line of Beauty“.
Sumar stjörnurnar klæddust hönnun Lagerfeld meðan aðrar sóttu innblástur til ástsæla hönnuðarins.
Fyrirsætan Kendall Jenner klæddist samfesting frá Marc Jacobs og var í svörtum stígvélum í stíl. Klæðnaður hennar vakti mikla athygli, þá sérstaklega því hún var með afturendann beran.
Margir héldu að fyrirsætan myndi ganga rauða dregilinn með rapparanum Bad Bunny, en þau hafa verið að slá sér upp um nokkurt skeið. Hins vegar mættu þau í sitthvoru lagi og fengu því aðdáendur ekki paramyndirnar sem þeir vonuðust eftir.
