Dæmi eru um að starfsfólk fletti upp að tilefnislausu í lyfjagrunni til að kanna lyfjanotkun hjá þjóðþekktu fólki. Þetta kemur fram í frétt Morgunblaðsins. Blaðið hefur undir höndum gögn „sem sýna það sem kalla má til­efn­is­laus­ar upp­flett­ing­ar (í fleir­tölu) í lyfjagátt, þar sem starfs­menn í apó­tek­um hafa flett upp þjóðþekktu fólki án þess að viðkom­andi ein­stak­ling­ar hafi átt þangað er­indi og án þess að sala á lyfj­um hafi farið fram.“

Landlæknir ber ábyrgð á lyfjagáttunni en embættið staðfestir í svari við fyrirspurn Morgumblaðsins að því hafi borist ábendingar um að upp­lýs­inga úr lyfjagátt hafi verið aflað að óþörfu og þeim dreift til þriðja aðila. Rúna Hauks­dótt­ir Hvann­berg, for­stjóri Lyfja­stofn­un­ar, staðfest­ir einnig að stofn­un­inni hafi borist sam­bæri­leg­ar ábend­ing­ar.

Í fréttinni kemur fram að ekki sjáist hver fletti upp í gátt­inni þó að hægt sé að sjá hvar og hverj­um er flett upp.