Íslandsmeistarar Breiðabliks taka á móti bikarmeisturum Víkings R. í Meistarakeppni KSÍ á þriðjudag. Leikurinn fer fram á heimavelli Íslandsmeistaranna og hefst hann klukkan 19:30. Leikurinn verður í beinni útsendingu á RÚV.
Í Meistarakeppni karla er keppt um Sigurðarbikarinn sem gefinn var af KR til minningar um Sigurð Halldórsson. Ef jafnt verður eftir venjulegan leiktíma verður ekki framlengt, heldur farið beint í vítaspyrnukeppni til að ákvarða sigurvegara.
Miðasala á leikinn er í gegnum Stubb-appið og miðaverð er kr. 2.000 fyrir 17 ára og eldri, frítt inn fyrir 16 ára og yngri, og frítt inn fyrir öryrkja.
