VG skýrir frá þessu og vísar í umfjöllun Novaja Gazeta Europa.
Fram kemur að þetta sé gert í kjölfar undirskriftasöfnunar á netinu sem 25.000 manns hafa skrifað undir.
Samkvæmt tillögunni á að kalla Rússland „Moskvu“ á úkraínsku. Þá er lagt til að Rússneska sambandsríkið, sem er opinbert nafn Rússlands, verði framvegis kallað „Moskvu-sambandið“.
Þessa tillögu má rekja til þess að áður var nafnið „Moskovy“ notað á úkraínsku yfir það Rússland sem var til áður en Pétur Mikli stofnaði Rússneska keisaradæmið 1721.
Þessi tillaga getur verið tilraun til að niðurlægja Vladímír Pútín, því Kyiv, höfuðborg Úkraínu, var miðpunktur ríkisins Rus sem var forveri Rússlands. Með þessu gætu Úkraínumenn gefið í skyn að það sé gamla Rus sem sé forveri Úkraínu nútímans.
Með þessu myndu Úkraínumenn sýna fram á að Úkraína sé hið upprunalega land, hið siðmenntaða Rússland, og að Moskva Pútíns sé eitthvað allt annað. Eins og fram hefur komið telur Pútín að Úkraína eigi sér engan tilverurétt og nú svara Úkraínumenn honum fullum hálsi með þessari tillögu.