Mason Greenwood, leik­maður enska úr­vals­deildar­fé­lagsins Manchester United hefur gefið frá sér yfir­lýsingu í kjöl­far frétta sem bárust fyrr í dag þar sem greint var frá því að á­kærur á hendur honum, sem sneru meðal annars að meintri til­raun til nauðgunar, líkams­á­rásar og stjórnandi hegðunar á hendur fyrrum kærustu hans, hefðu verið látnar niður falla.

Í yfir­lýsingu frá Greenwood sem birt hefur verið í fjöl­miðlum á Bret­lands­eyjum  segist Greenwood vera létt yfir niður­stöðu dagsins.

,,Mér er létt yfir því að þessu skuli nú loks vera lokið og vil þakka fjöl­skyldu minni, ást­vinum og vinum fyrir þeirra stuðning. Ég mun ekki tjá mig frekar að svo stöddu,“ sagði í fremur stutt­orðri yfir­lýsingu frá leik­manninum.

Fyrr í dag gaf fé­lags­lið Greenwood, Manchester United frá sér yfir­lýsingu þar sem greint var frá því að nú færi af stað rann­sókn innan fé­lagsins og út frá henni yrðu næstu skref hvað leik­manninn varðar á­kveðin.

Greenwood mun því ekki æfa né spila með Manchester United á næstunni.

Hann hefur ekki spilað fót­bolta í meira en ár í kjöl­far þess að hann var á­kærður fyrir til­raun til nauðgunar, stjórnandi hegðun og líkams­á­rás, allt gegn fyrr­verandi kærustu sinni Harriet Rob­son.

Lög­regla á Manchester-svæðinu stað­festi fyrr í dag að á­kærurnar á hendur honum hefðu verið látnar niður falla.

„Þar sem þetta mál er mikið í fjöl­miðlum teljum við sann­gjarnt að deila því með ykkur að 21 árs gamli maðurinn sem tengist rann­sókn sem hófst í janúar 2022 verður ekki frekar sóttur til saka vegna málsins,“ segir yfir­lög­reglu­þjónninn Michaela Kerr.

Greenwood hefur verið á mála hjá United síðan hann var sex ára.