Hinn framúrskarandi og ástsæli matreiðslumeistari Gísli Matt og landsliðskokkar Héðins taka höndum saman og sameina visku og ástríðu sína á matargerð helgina 10.-11. febrúar á Héðinn Kitchen & Bar. Matseðillinn verður í anda Slippsins, þar sem innblástur er sóttur til íslenskrar náttúru og hafsins. Gísli er eigandi veitingastaðarins Slippsins í Vestmannaeyjum, og hafa bæði Gísli og staðurinn notið mikilla vinsælda og vakið mikla athygli innanlands og erlendis.

„Við erum mjög spenntir fyrir þessu samstarfi. Gísli hefur verið að gera frábæra hluti og hlotið verðskuldaða athygli fyrir þá. Eldhúsið er hans þessa helgina og ég held mér sé óhætt að segja að gestir Héðins eigi alveg frábæra upplifun í vændum, “ segir Sindri Guðbrandur Sigurðsson yfirkokkur Héðins.

Sindri Guðbrandur Sigurðsson er einnig landsliðsþjálfari kokkalandsliðsins.

Endurspeglar hafið og náttúruna

„Ég hlakka mikið til að koma og elda fyrir gesti Héðins þessa helgi. Matreiðsla er mín ástríða og matseðillinn mun endurspegla allt það besta sem hafið og náttúran gefa okkur og hversu gott hráefni við höfum í höndunum til að skapa einfalda en fágaða rétti. Bókin mín verður til sölu á staðnum, fyrir þau sem vilja kafa dýpra í mína sýn og nálgun á matargerð,“ segir Gísli.

Matseðillinn er samsettur af sjö frumlegum og fáguðum réttum og vínpörun verður í boði fyrir þau sem vilja taka þetta alla leið. Einstök matarupplifun sem enginn sælkeri vill missa af.

Slippurinn í Vestmannaeyjum, opnaði árið 2012 og Næs. Gísli á og rekur einnig Skál! við Hlemm Mathöll en sá staður hefur notið mikilla vinsælda og hlaut “BIB-Gourmand” verðlaun frá Michelin Award árið 2019.