Það virðist sem svo að Liverpool og Real Madrid séu áfram líklegustu áfangastaðir Jude Bellingham í sumar. Talið er að það sé í forgangi hjá báðum félögum að landa leikmanninum.
AS á Spáni segir frá því að Real Madrid sé staðráðið í að fá þennan 19 ára gamla miðjumann Dortmund, en hann þykir einn sá allra mest spennandi í heimsfótboltanum.
Hins vegar þyrfti spænska stórveldið að sigra Liverpool í baráttunni um leikmanninn. Jurgen Klopp og félagar hafa verið taldir ívið líklegri til að landa Bellingham.
Liverpool er hins vegar ekki í góðri stöðu í ensku úrvalsdeildinni. Fari svo að Real Madrid verði í Meistaradeild Evrópu á næstu leiktíð en Liverpool ekki gæti það skipt sköpum.
Á þessari leiktíð hefur Bellingham byrjað nær alla leiki Dortmund í efstu deild Þýskalands. Hann hefur alls skorað fjögur mörk og lagt upp þrjú í sautján leikjum.
