Gabriel Jesus gefur í skyn að um mánuður sé í endurkomu hans á völlinn með nýrri Instagram færslu.
Brasilíski framherjinn hefur ekki spilað fyrir Arsenal síðan í nóvember, en hann meiddist á hné á Heimsmeistaramótinu í Katar með landsliði sínu.
Upphaflega var talað um að Jesus yrði frá í 12 vikur. Í nýrri færslu á Instagram sýnir hann frá hvernig staðan er eftir 8 vikur og má því búast við honum aftur eftir um það bil mánuð.
Þó Jesus, sem kom til Arsenal í sumar frá Manchester City, hafi staðið sig vel á fyrri hluta tímabils hefur liðið ekki þurft að eyða of löngum tíma í að sakna hans.
Eddie Nketiah hefur nefnilega komið frábærlega inn í liðið í hans stað og raðað inn mörkum fyrir toppliðið.
