Það er ljóst að Kylian Mbappe hefur ansi mikið að segja með gang mála á bak við tjöldin hjá félagsliði sínu, Paris Saint-Germain.

Kappinn skrifaði undir svakalegan samning síðastliðið vor sem færir honum miklar fjárhæðir og aukin völd innan félagsins.

Nú segir enska götublaðið The Sun frá því að Mbappe hafi lagt fram beiðni til yfirmanna sinna hjá PSG.

Tengist hún félagaskiptamálum. Mbappe vill að félagið kræki í Bernardo Silva frá Manchester City.

Þeir tveir þekkjast frá tíma sínum saman hjá Monaco.

Voru þeir hluti af frábæru liði sem varð Frakklandsmeistari 2017 og fór alla leið í undanúrslit Meistaradeildar Evrópu.

Silva er samningsbundinn Englnandsmeisturum City og ljóst að hann verður ekki fáanlegur ódýrt.

Hann hefur hins vegar verið orðaður í burtu, þá helst til Barcelona.