Í þættinum Matur og heimili á Hringbraut í gærkvöldi bauð þáttastjórnandi Sjöfn Þórðar upp á eitís jólakaffi og fékk þær stöllur Hrafnhildi Þorleifsdóttur blómskreyti og eiganda Blómagallerísins við Hagamel og Elvu Ágústsdóttur stílista við dekkað jólakaffiborðið í eítís stíl. Þar var farið alla leið, þar sem fallegu jólalitirnir rauði og græni fengu að njóta sín.

Hinir fáguðu og glæsilegu mánaðarbollar eru dregnir fram og jólasmákökurnar sem nutu mikilla vinsælda á eitís árunum prýða kaffihlaðborðið. Í þættinum rifjaði Hrafnhildur upp þemað í jólaskrautinu á eitís árunum og leyfir þeim litatónum sem þá ríktu að njóta sín.

Rauða jólastjarnan spilaði stórt hlutverk á jólakaffiborðinu, ásamt lifandi greni og til að toppa umgjörðina var Hrafnhildur með amaryllis laukum með gyllingu sem fanga augað. Eyjan í eldhúsi Sjafnar fékk líka að njóta þess að vera í jólabúningi þar sem jólaleg skreyting með silfurþema með amaryllis var í forgrunni ásamt dýrðlegum amaryllis í vasa ásamt greni.

Sjáið myndirnar af jólaskreytingunum og jólakaffiborðinu þar sem hinar klassísku jólasmákökur, lagterturnar og jólakakan fönguðu auga og munn ásamt brauðtertunni í jólabúningi sem Guðrún Sigríður Matthíasdóttir töfraði fram af þessu tilefni.

Brot úr þætti kvöldsins má sjá hér:

Matur og heimili stikla 20. desember