Ökumaður var handtekinn í Árbæjarhverfi í gærkvöldi vegna gruns um að hann væri undir áhrifum fíkniefna. Eftir að nauðsynleg sýnataka hafði farið fram og ökumanninum var sleppt úr haldi var hann sviptur ökuréttindum til bráðabirgða þar sem hann hefur ítrekað verið staðinn að akstri undir áhrifum fíkniefna.

Þrír ökumenn til viðbótar voru handteknir í gærkvöldi og nótt, grunaðir um að vera undir áhrifum áfengis og/eða fíkniefna. Einn þeirra reyndist vera sviptur ökuréttindum.

Afskipti voru höfð af tveimur aðilum sem eru grunaðir um vörslu fíkniefna.

Í Háaleitis- og Bústaðahverfi var tilkynnt um skemmdarverk á húsnæði og þar varð umferðarslys er tvær bifreiðar rákust saman. Ökumenn og farþegar voru fluttir á bráðamóttöku. Bifreiðarnar voru fluttar af vettvangi með dráttarbifreið.

Í Hafnarfirði var ekið á reiðhjólamann. Ekki liggja fyrir upplýsingar um meiðsl hans.

Brotist var inn í geymslu í fjölbýlishúsi i Hafnarfirði.

Í Breiðholti bað leigubifreiðastjóri um aðstoð vegna farþega sem neitaði að greiða áfallið aksturgjald.

Í Grafarvogi var tilkynnt um þjófnað úr verslun.