Lögreglan á höfuðborgarsvæðinu óskar eftir vitnum að alvarlegu umferðarslysi sem átti sér stað á gatnamótum Laufbrekku og Hjallabrekku í Kópavogi í gær, miðvikudaginn 24. ágúst.

Tilkynning um slysið barst lögreglu klukkan 16. Í slysinu rákust saman fólksbifreið og rafmagnshlaupahjól, en hjólreiðamaðurinn var fluttur á slysadeild. Í aðdraganda slyssins var bifreiðinni ekið vestur Hjallabrekku og rafmagnhlaupahjólinu var ekið niður Laufbrekku.

„Þau sem urðu vitni að slysinu, eða kunna að geta veitt upplýsingar um það, eru vinsamlegast beðin um að hafa samband við lögregluna í síma 444 1000 en einnig má senda upplýsingar í tölvupósti á netfangið hi01@logreglan.is .“