Karlmaður á fertugsaldri var í dag úrskurðaður í fjögurra vikna áframhaldandi gæsluvarðhald í Héraðsdómi Reykjavíkur. Gæsluvarðhaldið var veitt á grundvelli almannahagsmuna í þágu rannsóknar á alvarlegum kynferðis- og ofbeldisbrotum, en maðurinn er grunaður um að hafa brotið gegn tveimur konum í aðskildum málum á höfuðborgarsvæðinu um verslunarmannahelgina.
Þetta kemur fram í tilkynningu frá lögreglu þar sem segir að úrskurðurinn hafi þegar verið kærður til Landsréttar. Gæsluvarðhaldið var veitt til 13. september.
