Jesse Lingard er sagður ætla sér til Bandaríkjanna og hefja viðræður við tvö félög. ESPN segir frá.
Samningur Lingard við Manchester United rann út fyrir viku síðan. Hann hafði verið hjá félaginu frá barnæsku.
Everton, Newcastle og West Ham hafa öll áhuga á að halda Lingard í ensku úrvalsdeildinni. Hann lék með síðastnefnda liðinu seinni hluta þarsíðustu leiktíðar og stóð sig frábærlega.
Það eru hins vegar slæmar fréttir fyrir þessi þrjú félög ef Lingard vill sjálfur fara í MLS-deildina.
Það kemur ekki fram hvaða tvö félög Lingard hyggst fara í viðræður við.
Miðjumaðurinn hefur einnig verið orðaður við félög á meginlandi Evrópu. Fyrr í sumar var sagt frá því að AC Milan og Barcelona hefðu íhugað að gera honum samningstilboð.
