Ítalska lögreglan lét í gær til skara skríða gegn kólumbíska glæpagenginu Del Golfo sem starfar á Ítalíu og í fleiri löndum. Hald var lagt á 4,3 tonn af kókaíni en verðmæti þess er sem svarar til um 30 milljarða íslenskra króna.

Danska ríkisútvarpið skýrir frá þessu og segir að um samvinnuverkefni lögreglu á Ítalíu, Slóveníu, Króatíu, Búlgaríu, Hollandi og Kólumbíu hafi verið að ræða.  Rannsóknin hafði staði yfir í rúmlega eitt ár.

38 voru handteknir í aðgerðum lögreglu í fyrrnefndum löndum.

Auk kókaínsins lagði lögreglan hald á 1,85 milljónir evra í reiðufé.