Rannsóknin hefur verið birt í vísindaritinu Nature Communications en það voru japanskir vísindamenn sem gerðu hana. Þeir komust að þeirri niðurstöðu að loftsteinar hafi hugsanlega borið undirstöðuefni lífsins til jarðarinnar. Þeir rannsökuðu fjóra loftsteina og fundu mikilvæg efni, til myndunar lífs, í þeim.
Þrír af loftsteinunum innihalda mikið af kolefnissamböndum. Þetta eru Murhcisonloftsteinninn sem lenti í Ástralíu 1969, Murrayloftsteinninn sem lenti í Bandaríkjunum 1950 og Tagish Lakeloftsteinninn sem lenti í Kanada 2000.
Vísindamennirnir telja loftsteinana vera svipað gamla og hafi hugsanlega myndast áður en sólkerfið okkar myndaðist fyrir um 4,6 milljörðum ára.
Í loftsteinunum fundust efni sem eru nauðsynleg til að mynda DNA og RNA.
Yashuhiro Oba, hjá Hokkaido háskólanum, segir þetta merka uppgötvun. Í fréttatilkynningu er haft eftir honum að þetta þýði að hugsanlega hafi þessi efni borist hingað til jarðarinnar áður en líf varð til. Þessi efni hafi getað átt hlut að máli varðandi tilurð erfðafræðilegrar virkni.
Til að fá betri svör verða sýni úr loftsteinunum Ryugu og Bennu nú rannsökuð en en sýni úr þeim voru tekin úti í geimnum.
