Á næsta fjárlagaári munu Kínverjar auka útgjöld til varnarmála um 7,1% eða sem svarar til um 2.100 milljarða íslenskra króna. Aukningin á milli ára hefur ekki verið meiri síðan 2019. Kínverjar segja að útgjaldaaukningin tengist stríðinu í Úkraínu ekki og að fjárlagaáætlunin hafi verið gerð löngu áður en Rússar réðust inn í Úkraínu.

Kínverskir fjölmiðlar segja ekkert sé óeðlilegt við þessa aukningu og benda á að áður en heimsfaraldur kórónuveirunnar skall á hafi útgjöldin að jafnaði aukist um 7% á ári.

Global Times, sem lýtur stjórn kommúnistaflokksins, segir að útgjöld til varnarmála séu 1,2% af vergri þjóðarframleiðslu á sama tíma og þau eru 2,4% að meðaltali á heimsvísu samkvæmt úttekt Stockholm International Peace Research Institute.

Útgjöld Bandaríkjanna til varnarmála nema 3,7% af vergri þjóðarframleiðslu.