Það er endalaust hægt að leika sér með útfærslur af kjúklingasalötum. Hér ein útfærsla að guðdómlega ljúffengu kjúklingasalati úr smiðju Berglindar Hreiðars matar- og ævintýrabloggara hjá Gotterí og gersemar sem fer vel með bragðlaukana. Þetta er matarmikið salat með nóg af krönsi um leið og það var mjög djúsí með salatdressingu úr léttmajónesi sem toppar salatið.

Kjúklingasalat með sætum kartöflum

Fyrir fjóra

Kjúklingasalat

1 stór sæt kartafla

700-800 g kjúklingabringur

1 haus blaðsalat

100 g spínat

1 rauðlaukur

1 mangó

50 g saxaðar Til hamingju döðlur

60 g salatblanda frá Til hamingju

40 g brotnar kasjúhnetur frá Til hamingju

1 krukka fetaostur

Kóríander (má sleppa)

Isio 4 olía til steikingar

Kjúklingakrydd, salt, hvítlauksduft

Hitið ofninn í 200°C. Flysjið kartöfluna og skerið í litla teninga. Setjið í eldfast mót/ofnskúffu, nokkrar matskeiðar af olíu yfir og kryddið eftir smekk. Bakið í ofninum í um 30 mínútur eða þar til kartöflubitarnir mýkjast, snúið nokkrum sinnum á meðan.

Skerið á meðan kjúklinginn niður í bita og steikið upp úr olíu og kryddum, geymið.

Skerið annað hráefni í salatið niður og setjið í fallega skál, blandið síðan öllu saman (kartöflum og kjúkling líka) og berið fram með salatdressingu (sjá uppskrift hér að neðan).

Salatdressing

200 g Hellmann‘s light majónes

50 g sýrður rjómi

2 rifin hvítlauksrif

40 g hunang frá Bio Today

2 tsk. sítrónusafi

2 msk. saxað kóríander

Salt og pipar

Pískið allt saman í skál og geymið í kæli fram að notkun.