Aron Leví Beck, borgarfulltrúi Samfylkingarinnar og frambjóðandi til 4.-6. sætis í forvali flokksins fyrir bæjar- og sveitarstjórnarkosningarnar í vor, hefur séð ástæða til að biðja hinn fornfræga fyrrverandi íþróttafréttamann, Adolf Inga Erlingsson, afsökunar á hryssingslegri framkomu sinni í hans garðs í sjónvarpsviðtali eftir lok íshokkileiks árið 2008. Aron var keppnismaður í þeirri íþrótt og hefur ákveðið að taka skautana fram á ný og spreyta sig í íshokkí. Af því tilefni birti hann myndband á Twitter af viðtalinu gamla.

Hinn ungi og fýldi íshokkíleikmaður kom Adolf svo í opna skjöldu með viðbrögðum sínum við spurningu hans að íþróttafréttamaðurinn varð kjaftstopp.

Viðtalið gamla og skrýtna má sjá í tísti Arons hér að neðan:

Það eru 13 ár liðin síðan þetta viðtal var tekið við mig.

Í kvöld byrja ég í markinu gegn Birninum. Það er stutt í úrslit og ég vona að við skorum 12 mörk á markvörð Bjarnarins í kvöld líkt og gert var við mig stuttu áður en þetta viðtal var tekið pic.twitter.com/V0NYuNxaeQ

— Aron Leví Beck (@aron_beck) February 1, 2022

Aron bætti svo um betur í tísti sem hann birti síðdegis og bað Adolf Inga afsökunar:

„Ég vil nýta tækifærið og biðja Adolf Inga, fyrrum fréttamann RÚV opinberlega afsökunar á hrokafullu viðmóti mínu í viðtali sem hann tók við mig í apríl árið 2008. Afsakið hvað þetta kemur seint Adolf, ábyrgðin er öll mín.“

Ég vil nýta tækifærið og biðja Adolf Inga, fyrrum fréttamann RÚV opinberlega afsökunar á hrokafullu viðmóti mínu í viðtali sem hann tók við mig í apríl árið 2008. Afsakið hvað þetta kemur seint Adolf, ábyrgðin er öll mín.

— Aron Leví Beck (@aron_beck) February 1, 2022